Chand ke sath kai dard porany nikly

Chand ke sath kai dard porany nikly

Kitny gham thy jo tery gham ke bahany nikly

Fasl-e-gul aai phir ik bar aseeran-e-wafa

Apny hi khoon ke drya mein nahany nikly

Hijr ki chot ajab sang shikn hoti hai

Dil ki be faiz zameenon se khazany nikly

Dil ne ik aent se tameer kia taj mehl

Tu ne ik bat kahi lakh fasany nikly

Dasht-e-tanhai hijran mein khara sochta hon

Haey kya log mera sath nibhany nikly

Mny Amjad usy be wasta dekha hi nahin

Woh to khushboo mein bhi aahat ke bahany nikly

Khud apny liy beth ke sochen ge kisi din

Khud apny liy beth ke sochen ge kisi din
Yonhi tujhy bhool k dekhen ge kisi din

Bhatky hoey phirty hein kai lafz jo dil mein
dunia ne dia waqt to likhen ge kisi din

Mil jaen ge ik bar to arshon ke dar-o-baam
Yeh khak nashin log jo bolen ge kisi din

Apas ki kisi bat ka milta hi nahin waqt
Har bar yeh kehty hein keh bethen ge kisi din

Ay jaan teri yaad ke be naam parindy
Shakhon pe mery dard ki utren ge kisi din

Jati hai kisi jheel ki gehrai kahan tak
Aankhon mein teri doob ke dekhen ge kisi din

Khushboo se bhari shamen jugnoo ke qalam se
Ik nazam tery wasty likhen ge kisi din

Soen ge teri aankh ki khilwat mein kisi rat
Saey mein teri zulf ke jagen ge kisi din

Khushboo ki tarh misal-e-saba khak numa se
galyon se tery shehr ki guzren ge kisi din

Amjad ab hai yehi keh kafan bandh ke sar se
Is shehr sitamgar mein jaen ge kisi din

Muhabbat ke mausam

Muhabbat ke mausam

Sab mausamon se niraly

Zindgi ki musafat ke anjam ko

Yeh muhabbat ke mausam nahin manty

Rifaqat ki khushboo se khali ho jo

Yeh koi aisa manzar nahin dekhty

Wafa ke ilawa kisi kam ko

Yeh muhabbat ke mausam nahin manty

Dekho jesy meri aankhen

Dekho jesy meri aankhen

Yeh omar tumhari aisi hai

Jab aasman se tary todh kar lana bhi

Sach much mumkin lagta hai

Shehr ka har aabad ilaqah

Apna aangan lagta hai

Yon lagta hai jesy har din

Har ik manzar

Tum se ijazat le kar apni shakal moayan karta hai

Jo chaho woh ho jata hai jo socho woh ho sakta hai

Lekin ay is kachi omar ki barish mein mastanh phirti chanchal larki

Yeh badal jo aaj tumhari chhat par ruk kar tum se baten karny aya hai

Ik saya hai

Tum se pehly aor tumhary baad ke har ik mausam mein yeh

Har ik chhat par aisy aor isi tarh se

Dhoky bantta phirta hai

Amjad Islam Amjad Poetry

Amjad Islam Amjad Poetry

Amjad Islam Amjad Poetry

Amjad Islam Amjad Poetry