bhuul shaayad bahut ba.Dii kar lii

bhuul shaayad bahut ba.Dii kar lii
dil ne duniyaa se dostii kar lii

tum muhabbat ko khel kahate ho
ham ne barbaad zindagii kar lii

us ne dekhaa ba.Dii inaayat se
aa.Nkho.n aa.Nkho.n me.n baat bhii kar lii

aashiqii me.n bahut zaruurii hai
bevafaa_ii kabhi kabhii kar lii

ham nahii.n jaanate chiraaGo.n ne
kyo.n a.ndhero.n se dostii kar lii

dha.Dakane.n dafn ho ga_ii ho.ngii
dil me.n diivaar kyo.n kha.Dii kar lii

ek cheharaa saath saath rahaa jo milaa nahii

ek cheharaa saath saath rahaa jo milaa nahii.n
kisako talaash karate rahe kuchh pataa nahii.n

shiddat kii dhuup tez havaao.n ke baavajuud
mai.n shaaKh se giraa huu.N nazar se giraa nahii.n

aaKhir Gazal kaa taajamahal bhii hai makabaraa
ham zindagii the hamako kisii ne jiyaa nahii.n

jisakii mukhaalafat hu_ii mashahuur ho gayaa
in pattharo.n se ko_ii pari.ndaa giraa nahii.n

taariikiyo.n me.n aur chamakatii hai dil kii dhuup
suuraj tamaam raat yahaa.n Duubataa nahii.n

kisane jalaa_ii bastiyaa.N baazaar kyo.n luTe
mai.n cha.Nd par gayaa thaa mujhe kuchh pataa nahii.n

Teri paakeezah nigahun k taqadus

Teri paakeezah nigahun k taqadus ki kasam, Dil nay kya rooh nay b tuj se muhabt ki hai..

Ibadaton ki tarah, main ye kaam karta hon

Ibadaton ki tarah, main ye kaam karta hon
Mera asool hai, pehle salam karta hon

Mukhalfat se mere shaksiyat sanwarti hai
Main dushmanon ka bara ehtaraam karta hon

Main dar gaya hon bohat saya daar peron se
Zara si dhoop bicha kar qayam karta hon

Mujhay Khuda ne ghazal ka diyaar bakhsha hai
Ye saltanat main muhabbat k naam karta hon

Dariya se ikhtelaaf ka anjaam soch lo

Dariya se ikhtelaaf ka anjaam soch lo,
Lehron k sath sath baho tum nashe main ho

Kya doston ne tum ko pilaye hai raat bhar
Ab dushmanon k sath raho tum nashe main ho

Be had shareef logon se kuch fasla rakho
Pee lo, magar kabhi na kaho tum nashe main ho

Kaghaz ka ye libaas, chiraghon k shehar main
Janan! Samhal samhal k chalo tum nashe main ho

Masoom titliyun ko masalne ka shok hai
Toba karo, Khuda se daro, tum nashe main ho

Bashir Badr poetry

Bashir Badr poetry