Friday, 27 April 2018

Ye bhi kya shaam-e-mulaaqaat aayi,

Ye bhi kya shaam-e-mulaaqaat aayi,
lab pe mushkil se teri baat aayi.

Subh se chup hain tere hijr-naseeb,
haaye kya hoga agar raat aayi.

Bastiyaan chhod ke barse baadal,
kis qayaamat ki ye barsaat aayi.

Koi jab mil ke hua tha rukhsat,
dil-e betaab wahi raat aayi.

Saaya-e-zulf-e-butaan mein ‘nasir
ek se ek nayi raat aayi. !!

No comments:

Post a Comment